Matagal din akong hindi nakapagsulat. Hindi sa katamaran, nawalan lang ako ng inspirasyon a.k.a nawili akong maglaro ng Wii. Nakakahiya mang tanggapin pero certified addict na ako dahil sa pula kong mga mata at masakit na hintuturo at hinlalaki.
Dalawang linggo na rin ang dumaan nang mag nagemail sa akin upang ako ay inisin. (Naiinis siya malamang ngayon dahil lagi niyang kausap ang aking abugado) Pukol niya sa akin maliban sa iba pang insulto ay mga tanga lamang ang pumapasok sa propesyon ng pagtuturo. Dinagdag pa niya na kaawaawa ang aking propesyon sapagkat bukod sa mababa ang sweldo, wala pa raw appreciation in other words, thankless. Kaseng pula ako ng kamatis sa galit pero katwiran ko na lang at least hindi ako mukhang lalake. Kung insultuhan na rin lang, aba magaling rin akong mang- asar.
Mga mababa lang ba ng IQ ang sumasabak sa pagtuturo? Sa palagay ko hindi. Actually putsa! lintik! Pusang gala! Hindi lang dapat may utak ka. Idagdag mo na rin ang pasensya, pagiging aktor/ aktres, impromptu speaker, motivational counselor at ang paglangoy pa sa dagat ng sistema ng edukasyon.
Magiging katapusan na ng mundo kapag mawawala ang mga guro sapagkat:
1. Wala ng magtatangkang magtalik upang gumawa ng baby kase wala ng teachers. Simple? Oo naman.
2. Malaking batok sa ekonomiya ng kahit na anong bansa. Kami yata ang may pinamalaking pondo.
3. Ang matitirang guro sa mundo ay si Bush. Mantakin mo!
4. Wala ng propesyon ang mga tao. Lahat tayo ay magiging tambay na.
5. Ang tanging role natin ay humilata.
6. May computer at internet pero saan manggagaling ang mga impormasyon. Mula kay Socrates hanggang kay Ms. T (naks!) ang lahat ng kaalaman natin ay galing mula sa ating mga guro. Mabait man o masungit.
7. Hindi magiging makulay ang high school life kung walang mga guro.
8. Ang mga madre at pari ay mapipilitang magturo! Huwag please no!!! Tingnan mo na lang ang nangyari sa akin.
9. Ang mga bata ay magiging brats. Brats na hindi alam ang mga kulay sa paligid at kung paano ispell ang kanilang pangalan for vandalizing the walls.
10. Walang eskwela ang maitataguyod kung walang mga guro. Kung wala ako, walang trabaho ang aking boss. Hmmmm. okey din pero nah, kailangan ko pa rin ng pambayad sa rent.
Wala na akong alam na propesyon. Marunong akong magtupi ng t shirt (pwede siguro ako sa Gap, Old Navy o Banana Republic). Kahit ano pang panlalait ang gawin ng iba diyan, taas noo at paa pa rin ako dahil ako ay isang guro.
|